Olu pasieanttat main lea duođalaš ja máŋggabealat buozanvuođadilálašvuohta ja givssit dárbbašit máŋggalágan ja máŋggabealat divššu iešguđetlágan spesialisttain ja ovttadagain buohcciviesus. Dakkár dilálašvuođain goas juoga ferte jođánit dáhpáhuvvat, sáhttá leat stuora riska dasa ahte dikšunvejolašvuođat leat ráddjejuvvon ja ahte komplikašuvnnat ja sávakeahtes dáhpáhusat gevvet. 

Jagis 2016 bohte Guorahallanovttadahkii 587 dieđiheami duođalaš ja vuorddekeahtes dáhpáhusaid birra spesialistadearvvašvuođabálvalusas. Dat lea 86 eambbo dieđiheami go 2015:s. Bealli dieđihemiin boahtá somáhtalaš dearvvašvuođabálvalusas ja nubbi bealli ges psyhkalaš dearvvašvuođasuodjalusas. Dieđihemiid lohku lea dássedit lassánan dan rájes go dieđihanortnet ásahuvvui geassemánus 2010. 

Dát raporta lea Stáhta dearvvašvuođageahču jahkásaš raporta ja lea oassin dan barggus mas min Guorahallanovttadat galgá bidjat erenoamáš fuomášumi dasa ahte oahpu gazzat maŋemus jagi áššiin. Raporttas leat artihkkalat mat govvidit iešguđetge beliid Guorahallanovttadaga doaimmas ja vásáhusaid dieđihanortnega hárrái. Raporttas leat maiddái muhtin logut ja dieđut mat addet gova das movt Guorahallanovttadat lea bearráigeahču dáfus čuovvolan dieđihemiid. Mii leat maiddái bovden olggobeali čálliid reflekteret eará go dušše min iežamet jiena.  

Viecca raportta (pdf)
Sammendrag på norsk
Summary in English

Gå til toppen