Brukarrådet i Statens helsetilsyn

Brukarrådet i Statens helsetilsyn skal vere eit samarbeidsforum mellom Helsetilsynet og brukar- og pårørandeorganisasjonar. Rådet skal vere med på å sikre at erfaringane til brukarar, pasientar og pårørande blir tekne omsyn til og kjem til nytte i veksemda til Helsetilsynet

06.02.2025

Mål

Helsetilsynet skal bidra til å styrkje tryggleiken og kvaliteten i barnevern, sosial- og helsetenestene gjennom effektive tilsyn. Erfaringar frå brukarar, pasientar og pårørande er viktige bidrag i dette arbeidet. Brukarmedverknad er derfor eit prioritert satsingsområde i Helsetilsynet.

Brukarrådet i Statens helsetilsyn skal vere eit samarbeidsforum mellom Helsetilsynet og brukar- og pårørandeorganisasjonar. Rådet skal vere med på å sikre at erfaringar til brukarar, pasientar og pårørande blir tekne omsyn til og kjem til nytte i verksemda til Helsetilsynet. Rådet skal vere med på å vidareutvikle Helsetilsynet sine metodar og praksis.

Brukarrådet skal arbeide på systemnivå og skal ikkje erstatte annan brukarmedverknad i Helsetilsynet. For å sikre reell medverknad må brukarrådet involverast i saker av strategisk betydning, og på eit tidleg tidspunkt i prosessen. Medlemmene i rådet kan og ta opp saker på eige initiativ.

Oppgåvene til brukarrådet er å:

gi råd i saker som gjeld utvikling av Helsetilsynet sitt arbeid
formidle kunnskap og erfaring til Helsetilsynet
bidra til å utvikle Helsetilsynet sine metodar og praksis, spesielt for god brukarmedverknad
bidra til betre kontakt mellom Helsetilsynet og brukarar, pasientar og pårørande

Medlemmer

Ny leder kommer.

Medlemmer i brukarrådet
Organisasjon	Hovudmedlem	Varamedlem
Rusfeltets hovedorganisasjon	Ingunn Lambertsen	Tore Berge
Barn av rus	Maria Eikenes Jerstad	John Harald Falck-Stenseth
Voksne for barn	Mona Bryn Patrick Ekkeren Manfredo	Staale Vaage, Karin Källsmyr
Pårørendealliansen	Anne-Grethe Terjesen	Robin Kirknes Andreassen
Funksjonshemmedes fellesorganisasjon (FFO)	Atle Larsen	Inger Karin Natlandsmyr
Samarbeidsforumet for Funksjonshemmedes Organisasjoner (SAFO)	Alette Reinholdt	Erling Behrens
Unge funksjonshemmede	Nora Thunem	Ingvild Østli
Velferdsalliansen	Leif Munkelien	Lars Erik Andersen
Mental helse Ungdom	Vebjørn Leite Olsen	Benedikte-Marie Lio
Bipolarforeningen	Anne-Grethe Larsen	Mette Kristoffersen
Internasjonal helse- og sosialgruppe	Tayyab Choudri	Martin Toft
Pensjonistforbundet	Per Kristian Skorpen	Wenche Karin Malmedal
Landsforeningen for barnevernsbarn	Cecile Bråten	Elsa Christiansen
Nasjonalforeningen for folkehelsen	Luisa Klaveness	Tone Poulsson Torgersen