Mørk HS, Fredheim G. Transport og utdeling av legemidler er et risikoområde i de hjemmebaserte tjenestene
Sykepleien 2024;112(96112):e-96112
Transport og utdeling av legemiddel er eit risikoområde i dei heimebaserte tenestene
På veg til brukarar i heimetenesta blir legemiddel oppbevart i bilane til heimetenesta, i heimesjukepleiarar sine lommer, i private vesker eller blir borne i handa inn til pasienten. Dette er døme på praksis som inneber ein høg risiko for at legemiddel kan komme på avvegar, bli blanda saman eller forveksla og delt ut til feil pasient.
I ein fagartikkel i Tidsskriftet Sykepleien, skriv Heidi Synøve Mørk og Gro Fredheim frå Helsetilsynet at transport av legemiddel er ei blindsone i kommunane.
–Feilutdeling kan skje dersom kommunen ikkje sikrar gode rutinar for transporten av legemidla, og dersom oppgåve- og ansvarsfordelinga ikkje er tydeleg og forstått av personellet som er involvert i legemiddelhandteringa.
I fagartikkelen trekkjer dei fram fleire læringspunkt og forbetringsområde for å sikre trygg transport, handtering og utdeling av legemiddel i heimetenesta, basert på tilsynserfaringar. Den involverte kommunen har identifisert og testa ut fleire praksisnære tiltak som kan bidra til å redusere risiko ved legemiddelhandteringa.
Eit viktig innspel til kommunane er å inkludere pasienten, pårørande, tilsette og leiing på ulike nivå i forbetringsarbeidet.
Les meir i Tidsskriftet Sykepleien: