Dieđihanguovddáš – jahkeraporta 2010
Dearvvašvuođageahču Raporta 7/2011 čoahkkáigeassu
Dát raporta válddahallá dieđáhusaid sávakeahtes dáhpáhusaid birra mat leat dáhpáhuvvan divššohasaiguin dan botta go leat divššus spesialistadearvvašvuođabálvalusas, ja mat leat dieđihuvvon geahččoeiseválddiide jagis 2010.
Deaŧaleamos gávnnaheamit leat:
- 2264 dieđáhusa registrerejuvvojedje Dieđihanguovddážii 2010:s – eambbo go goassege ovdal.
- Eahpelunddolaš jápmimiid registrerejuvvon dieđáhusaid lohku lea dađistaga lassánan maŋemus jagiid, muhto čájehuvvo ahte lohku lea njiedjan 21 proseanttas 2009:s 16 prosentii 2010:s.
- Lea leamaš positiiva ovdáneapmi divššohasaid ja oapmahaččaid logus geat ožžot dieđu dáhpáhusa birra.
- Dearvvašvuođadoaimmahagaid gaskkas leat stuora erohusat das man ollu dat dieđihit, nu maiddái dearvvašvuođadoaimmahagaid siskkobealde jagis jahkái ja regiovnnaid gaskka.
- Guoktelogi proseantta dieđáhusain jagis 2010 bohte psykalaš dearvvašvuođasuodjalusas. Njealljelogi proseantta dáin dieđáhusain ledje eahpelunddolaš jápmimat.
- Dieđáhusaid lohku mat gusket iežas dagahan jápmimii – iešsorbmen, vejolaš iešsorbmen dahje badjelmeari dálkkas- dahje gárihuhttinávdnasiid váldin – leat dađistaga lassánan.
Golbmanuppelohkái proseantta buot dieđáhusain mat registrerejuvvojedje 2010:s guske dálkkasboasttuvuođa dáhpáhusaide, logi proseantta ledje dáhpáhusat gahččama oktavuođas ja gávcci proseantta guoskkai dáhpáhusaide riegádahttimiid oktavuođas.