Mánáid ruoktu. Rávisolbmuid ovddasvástádus. Čoahkkáigeassu riikavidosaš bearráigeahčus mánáidsuodjalusásahusain 2018:s

Mánáidsuodjalanásahusa ássi mánát galget oažžut dohkálaš fuolahusa ja divššu. Sii leat rašis eallindilis. Sii ellet ja ásset ásahusa fuolahusa veagas, almmá beaivválaš lagašvuođa haga sin bearrašiin. Sis galgá atnit ávvira ja doahttalit sin integritehta, ja sin riektesihkkarvuođa galgá áimmahuššat. Dál ásset su. 1200 máná mánáidsuodjalanásahusas.

Goziheapmi čájeha ahte máŋgga sajis ledje váillit das mo ásahus oahpásmuvai mánáin ja systemáhtalaččat čuovui ja árvvoštalai mo mánná muitalii iežas dili birra. Ahte bargit dovdet máná bures ja dihtet makkár hástalusat mánás leat, dárbbašuvvo vai sáhttá dohkálaččat fuolahit ja bággema eastadit.

Jođihangottis, daid ásahusain gos lei váili, ii lean doaivái visogovva das ahte barggai go bargoveahka dan mii lei plánejuvvon ja mearriduvvon. Jođihangoddi iige sihkkarastán ahte sivaid fuomášii, árvvoštalai ja divui. Dán geažil ožžo mánát dohkketmeahttun bálvalusaid.