Ovttas buoridit bearráigeahču. Ávžžuhusat geavaheddjiid váikkuheami birra bearráigeahču oktavuođas

Stáhta dearvvašvuođageahčču bargá dan ovdii ahte álbmogii láhččojuvvojit buorit dearvvašvuođa- ja fuolahusbálvalusat, sosiála bálvalusat ja mánáidsuodjalusbálvalusat go sii ain daid dárbbašit. 2014:s álggahedje Dearvvašvuođageahčču ja fylkkamánnit ovdánahttinbarggu man váldoulbmil lei lea nannet geavaheddjiid searvama bearráigeahčus. Ovdánahttinbargui gullet min bargovuogit, min árvovuođđu, ja dan máhtu ja dieđu doahttaleapmi ja árvvus atnin, mii pasieanttain, geavaheddjiid ja sin lagamusain lea bálvalusaid birra. Fylkkamánnit leat geahččaladdan ja ovdánahttán bargovugiid mat sáhttet buoridit geavaheddjiid searvama bearráigeahčuin.

Raporttas muitaluvvo čađahuvvon ovdánahttindoaimmaid birra. Barggu lea jođihan bargojoavku mii maiddái lea addán ávžžuhusaid das movt searvama sáhttá bures heivehit bearráigeahččodoaimmaide. Stáhta dearvvašvuođageahčču čuovvola ávžžuhusaid ja heiveha daid doaimmaide mat galget čađahuvvot 2019:s. Stáhta dearvvašvuođageahčču lea ásahan geavaheaddjeráđi mii galgá rávvet bearráigeahččoáššiin, ja leat foruman gos geavaheddjiid searvan bearráigeahččooktavuođain ovdánahttojuvvo ain buorebun.