1. Čoahkkáigeassu

Dát raporta lea oassin min viidáset barggu vuođus harmoniseret ja buoridit Stáhtahálddašeddjiid áššemeannudeami kvalitehta go bearráigehččet bággema.   

Mearrádusaid geahčadeami lea oassi prošeavttas 'bággen ja fápmu', maid Stáhta Dearvvašvuođabearráigeahčču (Statens helsetilsyn) álggahii 2023:s Prošeavtta ulbmil lea buoridit bearráigeahču ja baggema áššemeannudeami kvalitehta. Raporttas čilget mii fuomášumiid mat gusket stáhtahálddašeaddji rollii bearráigeahččanorgánan ja váiddainstánsan pasieanta- ja geavaheaddjilága kapihttala 4 A vuođul, olbmuid guovdu geain ii leat miehtangealbu geat vuosttaldit dearvvašvuođaveahki.

Mii leat geahčadan movt stáhtahálddašeaddjit vuostáiváldet ja meannudit bággenmearrádusaid, ja geahčadan movt dan sáhttá buoridit vai pasieanttaid riektesihkkarvuohta buorrána. Mii leat árvvoštallan daid gustovaš njuolggadusaid «Njuolggadusat fylkkamánni mearrádusaid ja váiddaáššiid njuolggadusat pasieanta- ja geavaheaddjilága kapihttala 4 A vuođul. Siskkáldasráidu 9/2019» (1) ektui. Go oaidnit ahte eai leat čuvvon njuolggadusaid leat mii árvvoštallan leatgo dát sávakeahtes erohusat vai eai, Mii leat dan oktavuođas árvvoštallan fertego rievdadit njuolggadusaid. Raporttas buktit mii buoridanevttohusaid, dasa gullá maiddái njuolggadusaid ođasmahttin, buoret digitála ovttasdoaibman, ja jeavddalaš kurssat áššemeannudeddjiide.

Geahčadeapmi čájeha stuora erohusaid stáhtahálddašeddjiid áššemeannudeamis, ja mii fertet boahtte áiggis čuovvolit dan maid mii defineret sávakeahtes erohussan. Lea dárbu rievdadit ja čielggasin dahkat olu čuoggáid mearrádusaid ja váiddaáššiid meannudeami njuolggadusain. Viidáseappot ávžžuhit mii  earret eará joatkit jeavddalaš bággema ja fámu fágalaš forumiid, jahkásaš fáddákurssaiguin, ávkkálaš dieđuid čohkkema Losen intranehttii ja ráhkadit eanet oktasaš mearrádusmálliid ja viidásit ovdánahttit digitála mearrádusmálliid. Raporttas deattuhit mii maiddái man deaŧalaš lea sihkkarastit doarvái resurssaid stáhtahálddašeddjiid bargui bearráigeahččat mearrádusaid.