Om tilsyn med helse- og omsorgstenester

Oppgåver, lovgrunnlag, brukarråd

Statens helsetilsyn skal føre fagleg tilsyn med helse- og omsorgstenesta. Statens helsetilsyn sitt ansvar er heimla i helsetilsynsloven § 4. Vi skal bruke tilsynserfaringar til læring og forbetring i verksemder og i tenestene. Helsetilsynet er fagleg uavhengig, vi blir ikkje instruert i enkeltsaker. Openheit er grunnleggjande i organisering og saksbehandling.

Brukarrådet i Statens helsetilsyn skal vere med å sikre at erfaringane til brukarane kjem til nytte i tilsynet.

Statsforvaltaren skal føre tilsyn med helse- og omsorgstenesta og med alt helsepersonell og anna personell i fylket som yter helse- og omsorgstenester. Statsforvaltaren skal føre tilsyn med om tenestene er i samsvar med det som er bestemt i lover og forskrifter. Når det blir ført tilsyn med kommunale helse- og omsorgstenester, skal dette gjerast etter reglane i kommuneloven kapittel 30. I tilknyting til tilsynet skal statsforvaltaren gi råd, rettleiing og opplysningar som medverkar til at befolkninga sitt behov for helse- og omsorgstenester blir dekt.

Tilsynsområda våre, roller og organisering kan du lese om i artikkelen Om oss

Les meir om samfunnsoppdraget vårt og resultatoppnåing i Årsrapportar for Statens helsetilsyn

Om tilsynssaker

Tilsynssaker er saker statsforvaltaren, og eventuelt Statens helsetilsyn, behandlar på grunnlag av klager frå pasientar og pårørande og andre kjelder, og som handlar om mogleg svikt i helse- og omsorgstenesta. Les meir i artikkelen Om tilsynssaker

Pålegg, stenging og tvangsmulkt

Statens helsetilsyn har myndigheit til å gi pålegg om å rette forhold i helse- og omsorgstenestene, som kan ha skadelege følger for pasientar eller andre, eller som på annan måte er uheldig eller uforsvarleg. Les meir i artikkelen Pålegg, stengning og tvangsmulkt

Tilsynsrapportar og publikasjonar